Home Health കുട്ടികൾക്കുള്ള മീസിൽസ്,റുബല്ല കുത്തിവെപ്പ് എന്തെന്ന് പലർക്കും അറിയില്ല അറിയാത്തവർ കാണുക

കുട്ടികൾക്കുള്ള മീസിൽസ്,റുബല്ല കുത്തിവെപ്പ് എന്തെന്ന് പലർക്കും അറിയില്ല അറിയാത്തവർ കാണുക

0

എന്താണ് മീസിൽസ്, റുബല്ല രോഗങ്ങൾ?

കുട്ടികളിൽ, പ്രത്യേകിച്ച്, അഞ്ചു വയസ്സിൽ താഴെയുള്ളവരിൽ വയറിളക്കം ന്യൂമോണിയ തലച്ചോറിലെ അണുബാധ എന്നിവയ്ക്കു കാരണമാകുന്ന വളരെ പെട്ടെന്നു പകരുന്ന രോഗമാണ് മീസിൽസ് (അഞ്ചാംപനി). ഇന്ത്യയിൽ മീസിൽസ് ബാധിച്ച് ഓരോ വർഷവും 40000ൽ അധികം കുട്ടികളാണ് മരിക്കുന്നത്.

ഗർഭിണിയെ ബാധിക്കുകയും അതുവഴി ഗർഭസ്ഥശിശുവിന്റെ മരണത്തിനോ ഗുരുതരമായ ജന്മവൈകല്യങ്ങൾക്കോ ഇടയാക്കുന്ന രോഗമാണ് റുബല്ല. ഇതു നവജാതശിശുക്കളിൽ 1000ത്തിൽ 1 എന്ന നിരക്കിൽ ഇന്ത്യയിൽ കാണപ്പെടുന്നു.

— ജനിതക റുബല്ല സിൻഡ്രോം എന്താണ്?

ഗർഭകാലത്ത്, പ്രത്യേകിച്ചും ആദ്യ മൂന്നുമാസത്തിനിടയ്ക്ക്, ഗർഭിണിയ്ക്ക് റുബല്ല ബാധിക്കുന്നതു മൂലം, ഗരഭസ്ഥശിശുവിനുണ്ടാകുന്ന ഗുരുതരപ്രത്യാഘാതങ്ങളേയാണ് ജനിതക റുബല്ല സിൻഡ്രോം (Congenital Rubella Syndrome) എന്നു പറയുന്നത്.

അതുമൂലം നവജാതശിശുവിന് അന്ധത, ബധിരത, ഹൃദയ വൈകല്യങ്ങൾ, ബുദ്ധിമാന്ദ്യം, കരൾ രോഗങ്ങൾ എന്നിവ ബാധിക്കാവുന്നതാണ്.

— മീസിൽസ്-റുബല്ല പ്രതിരോധ കുത്തിവയ്പ് എന്തിനാണ്?

കുട്ടികളിൽ മീസിൽസ്, റുബല്ല രോഗങ്ങൾ വരുന്നതു തടയാൻ പ്രതിരോധ കുത്തിവയ്പ് സഹായകമാകും.

— ഈ വാക്സിൻ ജീവിതകാലം മുഴുവൻ സംരക്ഷണം നൽകുന്നതാണോ?

അതെ. ഒരു വയസ്സിനു മുൻപ് നൽകിയ കുത്തിവയ്പിനു 85 ശതമാനവും ഒരു വയസ്സിനു ശേഷം നൽകിയതിനു 95 ശതമാനവും സംരക്ഷണം നൽകാനാകും.

— മീസിൽസ്, റുബല്ല എന്നിവ ഒരുമിച്ചു നൽകുന്നതിലൂടെ രണ്ടിന്റേയും ഫലപ്രാപ്തി നഷ്ടപ്പെടുമോ?

ഇല്ല. ഒരുമിച്ചു നൽകുന്നതു മൂലം രണ്ടിന്റേയും ക്ഷമത ഒരിക്കലും കുറയുന്നില്ല.

— കുട്ടിയ്ക്ക് പനിയോ, അഞ്ചാം പനി, റുബല്ല എന്നിവയോ മുമ്പു ബാധിച്ചിട്ടുണ്ടെങ്കിൽ ഈ വാക്സിൻ നൽകേണ്ടതുണ്ടോ?

വേണം. മുമ്പ് ഒരു രോഗം ബാധിച്ചിരുന്നോ എന്നതു കണക്കിലെടുക്കാതെ തന്നെ എല്ലാ കുട്ടികൾക്കും മാർഗനിർദേശ പ്രകാരമുള്ള രണ്ടു ഡോസ് മീസിൽസ്-റുബല്ല വാക്സിൻ നൽകേണ്ടതാണ്.

— എന്താണ് മീസിൽസ്-റുബല്ല പ്രതിരോധയജ്ഞം?

10 മാസം മുതൽ 15 വയസ്സു വരെയുള്ള കുട്ടികൾക്ക് എം-ആർ വാക്സിൻ നൽകുന്നതിനുള്ള യജ്ഞമാണിത്. എല്ലാ കുട്ടികൾക്കും വാക്സിൻ നൽകുന്നതിനാണ് പരിശ്രമിക്കുന്നത്. അഞ്ചാംപനി, റുബല്ല എന്നിവ മൂലമുള്ള മരണം, അംഗവൈകല്യം എന്നിവ കുറയുന്നതിനു സമൂഹത്തിന്റെ രോഗപ്രതിരോധശേഷി വർദ്ധിപ്പിക്കുകയാണ് ഇതിലൂടെ ലക്ഷ്യമാക്കുന്നത്.

— പ്രതിരോധ ചികിത്സാ പട്ടിക പ്രകാരം വാക്സിൻ നേരത്തേ നിശ്ചയിച്ചിരുന്ന കുട്ടിക്ക് മീസിൽസ്-റുബല്ല പ്രതിരോധയജ്ഞത്തിന്റെ ഭാഗമായി കുത്തിവയ്പ് എടുക്കേണ്ടതുണ്ടോ?

അതെ. മുമ്പ് വാക്സിൻ ലഭിച്ചിരുന്നോ എന്നത് കണക്കിലെടുക്കാതെ ഒരു അധിക/പൂരക ഡോസായി നിശ്ചിത വയസ്സിനകത്തുള്ള കുട്ടികൾക്ക് മീസിൽസ്-റുബല്ല വാക്സിൻ നൽകേണ്ടതാണ്.

— 9 മാസം പ്രായത്തിനു മുൻപു തന്നെ മീസിൽസ്-റുബല്ല വാക്സിൻ ലഭിച്ചിരുന്നുവെങ്കിൽ ഇനിയും അതു നൽകേണ്ടതുണ്ടോ?

അതേ, പ്രതിരോധചികിത്സാ പട്ടികപ്രകാരം രണ്ടു ഡോസ് ലഭിക്കാത്ത കുട്ടികൾക്ക് 5 വയസ്സുവരെ പട്ടികപ്രകാരവും 15 വയസ്സുവരെ മീസിൽ-റുബല്ല പ്രതിരോധയജ്ഞപ്രകാരവും നൽകാവുന്നതാണ്.

— മീസിൽസ്-റുബല്ല പ്രതിരോധയജ്ഞത്തിനു തുടർ പരിപാടിയുണ്ടോ?

ആരംഭത്തിലെ യജ്ഞത്തിനു ശേഷം സമൂഹരോഗ പ്രതിരോധശേഷി നിലനിർത്തുന്നതിനും വർദ്ധിപ്പിക്കുന്നതിനും ആവശ്യം പോലെ അധികയജ്ഞം നടത്തുന്നതാണ്. ഇപ്പോളത്തെ യജ്ഞത്തിനു ശേഷം ജനിച്ച കുഞ്ഞുങ്ങൾക്കായിരുക്കും അപ്പോൾ വാക്സിൻ നൽകുക.

— രണ്ടാം വയസ്സിനു ശേഷം ആദ്യഡോസ് എടുക്കാൻ കുട്ടിയെ കൊണ്ടുവന്നാൽ കുട്ടിക്ക് രണ്ടാമത്തെ ഡോസ് നൽകേണ്ടതുണ്ടോ?

പ്രതിരോധചികിത്സ പട്ടികപ്രകാരം തന്നെ കുട്ടികൾക്ക് വാക്സിൻ നൽകാൻ പരമാവധി ശ്രമിക്കേണ്ടതാണ്. (9-12 മാസം ഒന്നാം ഡോസ്, 16-24 മാസം രണ്ടാം ഡോസ്). എങ്കിലും രണ്ടു വയസ്സിനു ശേഷം ആദ്യഡോസിനു കൊണ്ടുവന്നാൽ ഒരു മാസത്തെ ഇടവേളയ്ക്കു ശേഷം രണ്ടാമത്തെ ഡോസ് നൽകാവുന്നതാണ്. ഇത് 5 വയസ്സിനകം പൂർത്തീകരിച്ചിരിക്കണം.

— എവിടെ നിന്നാണ് വാക്സിൻ ലഭിക്കുക?

നിശ്ചിത വയസ്സുള്ള കുട്ടികൾക്കു സ്കൂൾ, അംഗൻവാടി, തിരഞ്ഞെടുത്ത മറ്റു സ്ഥലങ്ങളിലെ ക്യാമ്പുകളിൽ നിന്നും വാക്സിൻ ലഭിക്കും.

— വാക്സിൻ ലഭിക്കുന്ന സ്ഥലം, സമയം തുടങ്ങിയ വിശദാംശങ്ങൾ എങ്ങനെ അറിയാനാകും?

സമീപത്തെ ആരോഗ്യപ്രവർത്തകരേയോ, ആശ, അംഗൻവാടി പ്രവർത്തകരേയോ സമീപിച്ചാൽ വിവരം ലഭിക്കുന്നതാണ്.

— എം.ആർ വാക്സിന് എന്തെങ്കിലും പാർശ്വഫലങ്ങളുണ്ടോ?

ഇല്ല. വാക്സിൻ തീർത്തും സുരക്ഷിതമാണ്. ഇത് ലോകമൊട്ടാകെ പട്ടികപ്രകാരവും, പ്രത്യേക ക്യാമ്പെയ്നുകളിലും സ്ഥിരമായി ഉപയോഗിക്കുന്ന വാക്സിൻ ആണ്. ദശലക്ഷക്കണക്കിനു കുട്ടികൾക്ക് ഈ വാക്സിൻ നൽകിയിട്ടുണ്ട്. കുട്ടികൾക്ക് ഇതു തീർത്തും സുരക്ഷിതമാണ്.

LEAVE A REPLY

Please enter your comment!
Please enter your name here