Home Viral രണ്ടാം ക്ലാസുകാരി ശ്രീലക്ഷ്മിയുടെ കൊലപാതകം; രാജേഷ് അതിക്രൂരനായ കൊലപാതകി

രണ്ടാം ക്ലാസുകാരി ശ്രീലക്ഷ്മിയുടെ കൊലപാതകം; രാജേഷ് അതിക്രൂരനായ കൊലപാതകി

0

കൊല്ലം: കൊല്ലം ഏരൂരിൽ രണ്ടാം ക്ലാസുകാരിയെ ലൈംഗികമായി പീഡിപ്പിച്ച് കൊന്ന രാജേഷ് അതിക്രൂരനായ കൊലപാതകിയെന്ന് തെളിയുന്നു. ഈ നരാധമന്റെ കയ്യിലകപ്പെട്ട ശ്രീലക്ഷ്മിയെ മരിച്ച നിലയിൽ ഇന്നലെയാണ് കുളത്തുപ്പുഴയിലൈ റബ്ബർ എസ്റ്റേറ്റിൽ നിന്ന് കണ്ടെത്തിയത്. ഏരൂർ   ഗവ. എൽ.പി സ്‌കൂളിലെ രണ്ടാം ക്ലാസ് വിദ്യാർത്ഥിനി ശ്രീലക്ഷ്മിയെ ബുധനാഴ്ച മുതലാണ് കാണാതായത്.

തുടർന്ന് നടത്തിയ അന്വേഷണത്തിൽ ഇന്നലെ രാത്രിയോടെ കുളത്തൂപുഴക്ക് സമീപത്ത് നിന്ന് രാജേഷിനെ പൊലീസ് കസ്റ്റഡിയിലെടുത്തു. ഇയാളിൽ നിന്ന് ലഭിച്ച വിവരത്തിന്റെ അടിസ്ഥാനത്തിലാണ് ആർ.പി.കോളനിയിലെ റബർ ഷെഡിൽ കുട്ടിയുണ്ടെന്ന് മനസ്സിലാക്കിയത്. പൊലീസ് ഇവിടെ എത്തി പരിശോധിച്ചപ്പോൾ കുട്ടി മരിച്ച നിലയിലായിരുന്നു. കുട്ടിയെ ലൈംഗികമായി പീഡിപ്പിച്ച ശേഷം കഴുത്തു ഞെരിച്ചു കൊലപ്പെടുത്തുകയായിരുന്നുവെന്നു രാജേഷ് പൊലിസിനു മൊഴി നൽകി. എന്നാൽ ശ്വാസം മുട്ടിച്ചു കൊന്ന ശേഷവും ഇയാൾ കാമദാഹം തീർക്കാൻ ആ കുഞ്ഞു ശരീരം ഉപയോഗിച്ചു. അത്ര ക്രൂരതയാണ് ഈ നരാധമൻ കുഞ്ഞിനോട് കാട്ടിയതൈന്നാണ് മെഡിക്കൽ റിപ്പോർട്ടുകൾ പറയുന്നത്.

സ്ത്രീവിഷയത്തിൽ  ഇയാൾ മുമ്പു ചെയ്തിട്ടുള്ള വൈകൃതങ്ങൾ ഇപ്പോഴാണ് പുറത്തു വരുന്നത്. വൈകൃതങ്ങൾ തുടർന്നതോടെ ആദ്യഭാര്യ വീടു വിട്ടു പോയി. ഈ ബന്ധത്തിൽ ഒരു കുട്ടിയും ജനിച്ചു. അതിനു ശേഷം മറ്റൊരു സ്ത്രീയുമായി ബന്ധം തുടങ്ങി. ഇതും ഏറെ നീണ്ടില്ല. ലൈംഗികവൈകൃതം സ്വഭാവമാക്കിയ രാജേഷിനെ ഉപേക്ഷിച്ചു ഇവരും പോയി. ഈ സമയത്താണ് മോഷണക്കേസിൽ ഇയാൾ പിടിക്കപ്പെടുന്നത്. ഇരുപത്തിയാറു വയസ്സാണ് ഇയാൾക്കുള്ളതെങ്കിലും ഇതിനിടെ ഉപയോഗിച്ചു തള്ളിയത് ഒട്ടേറെ സ്ത്രീകളെയാണ്.ജയിലിലിൽ നിന്ന് പുറത്തിറങ്ങിയ രാജേഷ് മറ്റൊരു സ്ത്രീയെ കണ്ടെത്തി ഒപ്പം പാർപ്പിച്ചു.മൂന്നാം ഭാര്യയും ഉപേക്ഷിച്ചതോടെയാണ് പുത്തൂരിലെത്തുന്നത്.

ഇയാൾ കൊലപ്പെടുത്തിയ ശ്രീലക്ഷ്മിയുടെ അമ്മയുടെ അനുജത്തിയുമായാണ് ബന്ധം തുടങ്ങിയത്. ഇവരുടെ കുടുംബത്തിന്റെ വിശ്വാസം പിടിച്ചു പറ്റിയ രാജേഷ് ഒരുമാസം മുമ്പാണ് ഈ വീട്ടിൽ കുടുംബത്തോടൊപ്പം താമസമാക്കിയത്. ശ്രീലക്ഷ്മിയുടെ അമ്മയും അനുജത്തിയും അമ്മൂമ്മയുമായിരുന്നു ഇവിടെ ഉണ്ടായിരുന്നത്. പുരുഷന്മാരില്ലാത്ത വീട്ടിൽ കാര്യക്കാരനായി ഇയാൾ മാറി. അപ്പോഴുംക്രിമിനൽ പ്ശ്ചാത്തലമൊന്നും ഏറെ ഈ വീട്ടുകാർക്ക് അറിവില്ലായിരുന്നു. കുട്ടിയെ ട്യൂഷൻ ക്ലാസിന് കൊണ്ടു പോയതാണ് ഇയാളെന്നാണ് ആദ്യം അറിഞ്ഞത്. എന്നാൽ സ്‌ക്കൂളിൽ നിന്ന് കുട്ടിയെ വിളിച്ചിറക്കിക്കൊണ്ടു പോവുകയായിരുന്നുവന്ന് ഇപ്പോൾ അറിയുന്നു. കുട്ടിയെ രാജേഷ് കൊണ്ടു പോകുന്നതിന്റെ സിസിടിവി ദൃശ്യങ്ങൾ പൊലീസിന് ലഭിച്ചിട്ടുണ്ട്.

അതേ തുടർന്നുള്ള ചോദ്യം ചെയ്യലിലാണ് ഇക്കാര്യം തെളിഞ്ഞത്. ബുധനാഴ്ച രാവിലെ അമ്മൂമ്മയാണ് കുട്ടിയെ സ്‌ക്കൂളിൽ വിടുന്നത്. സ്‌ക്കൂൾ ഗേറ്റ് കടത്തിവിട്ട ശേഷം അമ്മൂമ്മ മടങ്ങുകയും ചെയ്തു. ഇതിനു ശേഷമാണ് ഇയാൾ സ്‌ക്കൂളിലെത്തി കുട്ടിയെ കൂ്ട്ടിക്കൊണ്ടു പോകുന്നത്. ക്ലാസ്സിൽ പോകണമെന്ന് വാശിപിടിക്കുന്ന കുട്ടിയെ രാജേഷ് ബലം പ്രയോഗിച്ച് കൊണ്ടു പോകുന്നതും സിസി ടി വിയിൽ തെളിഞ്ഞിട്ടുണ്ട്.രാജേഷ് കുട്ടിയെ കൂട്ടിക്കൊണ്ടു പോകുന്നത് കണ്ടതോടെ സംശയങ്ങളായി. ഇതോടെ പൊലീസിൽ പരാതിപ്പെട്ടു. പൊലീസ് അന്വേഷങ്ങളുടെ ഭാഗമായി ഇരുവരുടേയും ഫോട്ടോ സാമൂഹികമാധ്യമങ്ങളിലടക്കം പ്രചരിപ്പിക്കുകയും ചെയ്തിരുന്നു.

കുളത്തൂപ്പുഴയ്ക്കുള്ള ബസ്സിലാണ് ഇയാൾ കുട്ടിയുമായി കയറിയത് . ചെറുകര പാതയിൽ ആർ പിഎൽ എ്‌സ്റ്റേറ്റിൽ കുന്നിനു മുകളിൽ ആളൊഴിഞ്ഞ ഭാഗത്തേക്കാണ് ഇയാൾ കുട്ടിയെ കൊണ്ടുപോയത്. ഇവിടെ വച്ചാണ് പീഡനം നടത്തിയെന്നാണ് ഇയാൾ പൊലീസിനോട് സമ്മതിച്ചിട്ടുള്ളത്. കുട്ടി വീട്ടിൽ പോകണമന്ന് നിർബ്ബന്ധം പിടിച്ചതോടെ ഇയാൾ കുട്ടിയെ ശ്വാസം മുട്ടിച്ചു കൊല്ലുകയായിരുന്നു. വിവരം വീട്ടുകാരോട് പറയുമെന്ന് ഇയാൾ ഭയപ്പെട്ടു. കഴുത്തു ഞെരിച്ചു കൊന്ന കുട്ടിയുടെ ജഡത്തിലും ലൈംഗിക വൈകൃതങ്ങൾ കാട്ടികൂട്ടിയെന്ന് ഇയാൾ പൊലീസിനോട് സമ്മതിച്ചു. മറ്റേതെങ്കിലും കുട്ടിയെ ഇയാൾ ഇത്തരം വൈകൃതങ്ങൾക്ക് വിധേമാക്കിയി്ട്ടുണ്ടോ എന്നും പൊലീസ് അന്വേഷിക്കുന്നുണ്ട്.

LEAVE A REPLY

Please enter your comment!
Please enter your name here