Home Latest സഖാവിനെ മൂന്ന് വർഷം പ്രണയിച്ചിട്ട് തേച്ചിട്ട് പോയ അനു തന്നെ… അങ്ങനെ മറക്കാന്‍ കഴിയുമോ ഈ...

സഖാവിനെ മൂന്ന് വർഷം പ്രണയിച്ചിട്ട് തേച്ചിട്ട് പോയ അനു തന്നെ… അങ്ങനെ മറക്കാന്‍ കഴിയുമോ ഈ തേപ്പുകാരി അനുവിനെ…

0

ഓർമ്മയുണ്ടോ സഖാവേ, അവിചാരിതമായി വാട്സപ്പിൽ വന്ന മെസ്സെജ് മനു നോക്കി , നമ്പര്‍ ലിസ്റ്റില്‍ ഇല്ലാത്തത് കൊണ്ട് ആളെ മനസ്സിലായില്ല ,. എന്താ സഖാവെ വെള്ളിയാഴ്ചയായിട്ടും ബിസിയാണോ , എന്നുള്ള രണ്ടാമത്തെ മെസ്സെജിനാണ് , ആരാണ് നിങ്ങള്‍ എന്ന മറുപടിയായി ഞാൻ ചോദിച്ചത്.. അത് എന്താ സഖാവെ പെട്ടന്നങ്ങ് മറന്നുവോ, അങ്ങനെ മറക്കാന്‍ കഴിയുമോ ഈ തേപ്പുകാരി അനുവിനെ… അനു നീയ്യോ

അതെല്ലോ സഖാവെ , സഖാവിനെ മൂന്ന് വർഷം പ്രണയിച്ചിട്ട് തേച്ചിട്ട് പോയ അനു തന്നെ … ഹ ഹ ടീ അതൊക്കെ പഴയ കഥയല്ലെ, എങ്ങനെ കിട്ടി എന്റെ നമ്പര്‍ …. ഞാൻ ആവശ്യക്കാരിയല്ലെ കണ്ടു പിടിച്ചാൽ അല്ലേ പറ്റു.. എന്താണ് ഇത്ര അത്യാവശ്യം , നീ ഇപ്പോള്‍ എവിടാ, .. ഞാൻ അതൊക്കെ പിന്നെ പറയാം, എന്തായി നിന്റെ വിവാഹം …. ഒന്നും ആയില്ലെടി, വീട്ടില്‍ നോക്കുന്നുണ്ട്.., എവിടെയാ നിന്റെ ഭർത്താവ് …. കല്യാണം ഉറപ്പിച്ചതെയുള്ളു, ഏപ്രില്‍ ആണ് കല്യാണം … ഏപ്രിലില്‍ ഞാനും ഉണ്ടാകുമെടി നാട്ടില്‍ , എവിടെയാ ചെറുക്കൻ, കാണാന്‍ എങ്ങനെ എന്റെയത്രയും ഗ്ളാമർ ഉണ്ടോ…. നിന്റെയത്രയും ഉണ്ടാകുമോന്ന് തോന്നുന്നില്ല, പിന്നെ അവൻ ജോലി ചെയ്യുന്നത് നിന്റെ കമ്പനിയിലാ, അതാ ഞാൻ ഇപ്പോള്‍ നിനക്ക് മെസ്സജ് അയച്ചത്, അവനെക്കുറിച്ച് ഒന്നു തിരക്കാമോ

എന്റെ കമ്പിനിയിലോ, എന്താ അവന്റെ പേര്‍ , എവിടെയാ നാട്ടില്‍ … പേര് മനോജ് എന്നാണ് , അച്ചന്റെ പേര്‍ മാധവൻ എന്നാണ് … ആ ഓകെ , ടീ ഇത് ഞാൻ അല്ലേ … അതെ നീ തന്നെ … അതിനു നീ മാത്രം തീരുമാനിച്ചാൽ മതിയോ…. പോരാ, അത് കൊണ്ടല്ലെ, നിന്റെ അച്ചനും, അമ്മയും , പെങ്ങളും കൂടി വീട്ടില്‍ വന്നിട്ട് നിന്റെ പേരഴുതിയ ഒരു മോതിരവും ഇട്ടിട്ട് പോയതിന്റെ പുറകില്‍ തന്നെ ഞാന്‍ നിന്നെ വിളിച്ചത്.

നീ എന്താ പറയുന്നത് , എനിക്കൊന്നും മനസ്സിലാകുന്നില്ല

മനുവേട്ടാ , രണ്ട് കൊല്ലം മുമ്പ് ചേട്ടന്റെ അമ്മ എന്നെ കാണാൻ വന്നിരുന്നു , മോൻ പാര്‍ടിക്ക് വേണ്ടി കൊല്ലാനും ചാകാനും നടക്കുവാണെന്നും, അമ്മാവന്‍ കൊടുത്ത വിസയിൽ അവൻ വിദേശത്ത് പോകാത്തതിന്റെ മറ്റൊരു കാരണം ഞാന്‍ ആണെന്നും വന്നു അമ്മ പറഞ്ഞതു കൊണ്ടാ ഞാൻ എന്റെ മനുവേട്ടനെ തള്ളി പറഞ്ഞത് , ഇറങ്ങും മുമ്പ് അമ്മ തന്നിരുന്നു എനിക്ക് ഒരു വാക്ക് , നിന്റെ കഴുത്തില്‍ ഒരു താലി വീഴാൻ വിധിയുണ്ടെങ്കിൽ അതെന്റെ മനുവിന്റെ കൈ കൊണ്ടായിരുക്കുമെന്ന്…. ആ ഒരു വാക്കിന്റെ പുറത്താ ഞാൻ ഇത് വേരെ ജീവിച്ചത്..

നഷ്ടമായിന്ന് കരുതിയതെല്ലാം തിരിച്ചു കിട്ടിയതിന്റെ സന്തോഷം പുറത്തു കാണിക്കാതെ ഞാൻ പറഞ്ഞു . ടീ എനിക്ക് നിന്നെ ഇനി അങ്ങനെയൊന്നും കാണാന്‍ കഴിയില്ല . മനുവേട്ടാ എന്താ ഈ പറയുന്നത് .. ഞാൻ വേറൊരു പെണ്ണിനു വാക്ക് കൊടുത്തു പോയി… ആരാ മനുവേട്ടാ ആ കുട്ടി , ഇത് ചോദിക്കുമ്പോൾ അവളുടെ സ്വരം ഇടറിയിരുന്നു… അവളുടെ പേര്‍ അനുവെന്നാ, രണ്ട് വർഷം മുമ്പ് കൊടുത്തോരു വാക്കാ, ഇട്ടിട്ട് പോയത് അവളാണെങ്കിലും വാക്ക് കൊടുത്ത ഞാൻ ഒരു സഖാവ് ആയി പോയില്ലെ, തെറ്റിക്കാൻ പാടില്ലല്ലോ… മനുവേട്ടാ എന്നുള്ള അവളുടെ വിളിയിൽ അവനറിയുന്നുണ്ടായിരുന്നു രണ്ട് വർഷം തനിക്കായി ഒളിപ്പിച്ച് വെച്ച ആ സ്നേഹത്തിന്റെ ആഴം . .

Written By Shanavas Jalal‎

LEAVE A REPLY

Please enter your comment!
Please enter your name here