Home Latest അപ്പോഴാണ് അങ്ങേരെന്നോടൊരു രഹസ്യം പറയുന്നത് എന്നെ പ്രേമിക്കുന്നേനും മുന്നേ അവളൊരു ഓട്ടോക്കാരനെ പ്രേമിച്ചിരുന്നത്രെ…..

അപ്പോഴാണ് അങ്ങേരെന്നോടൊരു രഹസ്യം പറയുന്നത് എന്നെ പ്രേമിക്കുന്നേനും മുന്നേ അവളൊരു ഓട്ടോക്കാരനെ പ്രേമിച്ചിരുന്നത്രെ…..

0

രാവിലെ ഓഫീസിലെത്തി അത്യാവശ്യം ചെയ്ത് തീർക്കാനുള്ള ജോലിയൊക്കൊ തീർത്തിട്ടാണ് അടുത്തുള്ള ബേക്കറിയിൽ ചായ കുടിക്കാൻ പോയത്……

ചായ മുന്നിൽ വന്നതിനൊപ്പമാണ് ഓപ്പാസിറ്റ് സീറ്റിൽ ഭാര്യേടെ നാട്ടുകാരനായ ചേട്ടൻ വന്നിരുന്നത്…

ആള് അടുത്തു തന്നെയുള്ള പെയിന്റ് കടയിലെ പണിക്കാരനാണ്…..

ഭാര്യയുടെ വിശേഷങ്ങളും കുഞ്ഞ് നടന്ന് തുടങ്ങിയോ ഓടി തുടങ്ങിയോ എന്നൊക്കെ ചോദിച്ച് ചോദിച്ച് ആള് ഞങ്ങളുടെ പ്രണയകാലത്തിലെത്തി…..

അപ്പോഴാണ് അങ്ങേരെന്നോടൊരു രഹസ്യം പറയുന്നത് എന്നെ പ്രേമിക്കുന്നേനും മുന്നേ അവളൊരു ഓട്ടോക്കാരനെ പ്രേമിച്ചിരുന്നത്രെ…..

സ്ഥിരമായി റയിൽവേ സ്റ്റേഷനറ൯റടുത്ത് വെച്ച് അവരെ പലപ്പോഴും ഇങ്ങേരു കണ്ടിട്ടും ഉണ്ടത്രേ….

ഓഅതൊന്നും സാരമില്ലെന്നെ.. കഴിഞ്ഞ മൂന്ന് കൊല്ലായിട്ട് അവളെന്റെ ഭാര്യയാ…

അതിനു ശേഷം അവളാരേം പ്രേമിച്ചിട്ടില്ല, ഇനി അങ്ങനെ ഉണ്ടാവാനും പോണില്ലാന്നൊക്കെയാണ് ഇപ്പോഴത്തെ അവള്ടെ സ്വാഭാവം വെച്ച് എന്റെ ഒരു തോന്നൽ….

എന്നാ ശരി പിന്നെ കാണാന്നും പറഞ്ഞ് ഞാനെണീറ്റു…..

അങ്ങേരു പറഞ്ഞ ആ ഓട്ടോ കാരൻ ഞാൻ തന്നെ ആയിരുന്നൂന്ന് എനിക്കറിയാല്ലോ…

ഡിഗ്രി കഴിഞ്ഞ് പണിയൊന്നൂല്ലാതെ നടക്കുമ്പോഴാണ് അയൽവക്കത്തെ ചേട്ടൻ അവരുടെ ഓട്ടോ ഓടിച്ചോളാൻ പറയുന്നത്…. അങ്ങനെ ഓട്ടോസ്റ്റാന്റിൽ വെച്ചാണ് ഞാനവളെ ആദ്യമായി കാണുന്നത്… കോളേജ് വിട്ടു വരുന്ന അവളെ കാണാനായി ട്രിപ്പ് കിട്ടിയാലും പോവാതെ കാത്തിരുന്നിട്ടുണ്ട്….

ഒരു മാസം രാവിലേയും വൈകുന്നേരവും വായിനോക്കി ഓട്ടോയിലിരുന്നു…..

അപ്പോഴേക്കും അവളെന്റെ സ്വപ്നത്തിലെ രാജകുമാരിയായി മാറിയിരുന്നു…

ബസ്സ് എറങ്ങി റയിൽവേ സ്റ്റേഷൻ ന്റെ പുറകിലൂടെ അവൾ നടക്കുമ്പോൾ അവിടെ കാത്തു കിടക്കും…..

ഒന്നര വർഷം മെനക്കെട്ട് പിന്നാലെ നടന്നിട്ടാണ് ഒന്ന് വളച്ചെടുത്തത്…..

അതിനെടക് ഒന്നു രണ്ടു സ്ഥാപനങ്ങളിൽ ജോലി കിട്ടിയെങ്കിലും അതു വേണ്ടാന്നു വെച്ചു..

ഇഷ്ടമാണെന്നൊരു വാക്കു കേട്ടിട്ട് വല്ലടത്തും സമാധാനത്തിൽ ജേലിക്ക് കേറാമെന്നായിരുന്നു ചിന്ത…..

പിന്നെ മൂന്നു വർഷം നല്ല കട്ടക്ക് പ്രേമിച്ചു…

അവൾക്കു വീട്ടിൽ കല്യാണാലോചന തുടങ്ങിപ്പോ എന്റെ സ്വപ്നങ്ങളെല്ലാം കടലിൽ കല്ലു കെട്ടി താഴ്ത്തേണ്ടി വന്നാലോ എന്ന പേടി കാരണം വീട്ടിൽ കാര്യം പറഞ്ഞു…

അവളെ കൊണ്ടു കാണിച്ചു കൊടുത്തപ്പോ അമ്മക്കു വല്ലാണ്ടങ്ങു ബോധിച്ചു….

സാമ്പത്തികമായി അവരുടെ അത്തെത്താൻ പോലും ഞങ്ങളില്ലാത്തോണ്ട് അച്ചനു പോയി ചോദിക്കാനൊരു പേടി…….

വീട്ടുകാരു സമ്മതിച്ചില്ലേലും അവളച്ചന്റെ മരുമകളായിരിക്കും എന്ന എന്റെ ഉറപ്പിലാണ് അച്ചൻ പോയി ചോദിച്ചത്… പെണ്ണെറങ്ങി പോയാലോ എന്ന പേടി കൊണ്ട് അവളുടെ വീട്ടുകാർ ഇഷ്ടത്തോടെ അല്ലെങ്കിലും കല്യാണം നടത്തി തന്നു……

കെട്ട് കഴിഞ്ഞ് നാലാം ദിവസം മുതൽ അവളച്ചന്റെ പുറകെ കാപ്പിക്കുരു പറിക്കാനും കുരുമുളക് പറിക്കാനുമൊക്കെ നടന്ന് തുടങ്ങി….

അച്ചന്റെ ആ സാമ്രാജ്യത്തിലേക്ക് ഞങ്ങൾ മക്കള് രണ്ടും അന്നുവരെ എത്തിനോക്കീട്ടില്ലാത്തോണ്ടാവണം ഒരാഴ്ച കഴിഞ്ഞപ്പോഴേക്കും അച്ചനുമ്മമ്മക്കും ഞാൻ മരുമകനും അവൾ മകളുമായിമാറി…..

അടുക്കളപ്പണി ഒന്നുമറിയാത്തോണ്ട് അതിൽ കൈ കടത്തി മറ്റുള്ളോര് ടെ അന്നംമുട്ടിക്കരുത് എന്ന് ഞാൻ പ്രത്യേകം പറഞ്ഞിട്ടുണ്ടായിരുന്നു….

അതിൽ അമ്മക്കു പരാതിയുമില്ല… ഒരു മിനിറ്റ് വെറുതെ ഇരിക്കാതെ ഓടിനടന്ന് മറ്റെല്ലാ പണിയും ചെയ്യും…..

ഒരു കുഞ്ഞായിട്ടും അവളിപ്പോഴും അച്ചന്റെയും അമ്മയുടെയും പുറകെ തന്നെ…. ഒരാഴ്ച വീട്ടിൽ നിക്കാൻ പോയാൽ മൂന്നാം ദിവസം അച്ചൻ പോയി കൊണ്ടുവരും….

അങ്ങനെയുള്ള അവളെ കുറിച്ചാണ് അങ്ങേര്…. എന്നാലും അങ്ങേർക്കിത് എന്തിന്റെ കേടാ എന്നാലോചിച്ചിരുന്ന പ്പോഴാണ് ഫോൺ ബെല്ലടിച്ചത്….

അമ്മൂസ്…. ടീ ചക്കരെ ഞാനിപ്പ നിന്നെ കുറിച്ച് ആലോചിച്ചിരിക്കാരുന്നു…..

ഒന്നു പോ അനുവേട്ടാ… എന്നെ പറ്റി എന്താപ്പോത്ര ആലോചിക്കാൻ…

അല്ല ……നമ്മളു പ്രേമിച്ചതും കെട്ടിയതുമൊക്കെ…..

ആ നീ പറ…. എന്തായിരുന്നു ഭവതി ഇപ്പോ വിളിച്ച കാര്യം….. അതേ അനുവേട്ടാ ഞാനെ മൂന്നാലു ദിവസായിട്ടു പറയാൻ പേടിച്ചിട്ടാ പറയാതിരിന്നേ….

എന്തോന്നാടീകാര്യം…?? ഇത്ര മുഖവുര ഇടാൻ…

അനുവേട്ടനെന്റെ ഫെയിസ് ബുക്കൊന്ന് എടുത്ത് നോക്യേ.. മെസ്സൻജറിൽ ഒരാളു കുറെ മേസ്സേജ് ഇട്ടിട്ടുണ്ട് അതൊക്കെ വായിച്ച് നോക്ക്…

എന്നാ ശരി…. ഞാൻ നോക്കീട്ട് വിളിക്കാന്നു പറഞ്ഞ് ഫോൺ കട്ടാക്കി…..

വേഗം അവൾടെ പാസ്സ് വേഡ് അടിച്ച് കൊടുത്ത് ഫെയ്സ് ബുക്ക് തുറന്നു……..

മെസ്സെൻജർ തുറന്നപ്പോ ദേ നേരത്തെ പറഞ്ഞ മഹാമാന്യൻ അവൾക്കു കുറെ എഴുതിവിട്ടിട്ടുണ്ടു….

വർഷങ്ങൾക്ക് മുമ്പേ അങ്ങേർക്കവളെ ഇഷ്ടായിരുന്നൂന്നും അച്ചനേം ആങ്ങളമാരേം, ചെറിയച്ചൻമാരേമൊക്കെ പേടിച്ചിട്ടാണെത്രെ പറയാതിരുന്നത്….

എന്നു മെപ്പോഴും പുള്ളിക്കാരന്റെ മനസ്സിൽ ഏഴു തിരിയിട്ട നിലവിളക്കായി അവൾ കത്തിനിൽക്കുന്നുണ്ടു പോലും….

ഹമ്പടാ… മാന്യാ…

അപ്പോ നീ വെടക്കാക്കി തനിക്കാക്കാനുള്ള പണി തുടങ്ങീതാ ല്ലെ രാവിലെ….

മെസ്സെൻജറിൽ കുറെ മറുപടിടൈപ്പ് ചെയ്ത് സെന്റ് ചെയ്തു… അതു പോരെന്നു തോന്നിയപ്പോ എണീറ്റ് പോയി..

ബേക്കറിയുടെ അവിടെ ചെന്ന് നോക്കിയപ്പോ അയാളവിടെ വെറുതെ ഇരിപ്പുണ്ട്……

അടുത്ത് ചെന്നു രഹസ്യമായി പറഞ്ഞു… രാവിലെ ഏട്ടൻ അതു പറഞ്ഞപ്പോ ഞാൻ വെറുതെ അവൾടെ ഫെയ്സ് ബുക്കൊക്കെ ഒന്ന് തുറന്ന് നോക്കി……

അപ്പോ ഏതൊ ഒരു തെണ്ടി ….അവളെ വളക്കാൻ ശ്രമിച്ചോണ്ടിരിക്ക്യാ… ആ നായി………… മോനു ഞാൻ കുറെ മറുപടി കൊടുത്തിട്ടുണ്ട്..

കെട്ട്യോളും രണ്ട് കുട്ടികളുമുള്ള അയാൾക്ക് എന്റെ ഭാര്യയെക്കൂടി വേണം ത്രെ……

ഇനിയും തുടർന്നാൽ അവന്റെ കയ്യും കാലും ഞാൻ വെട്ടും….

ഞാനെ കുറെ പണിപ്പെട്ടു നേടിയെടുത്തതാ… ഇനി വേറൊരുത്തൻ ചുളുവിൽ നേടാൻ വന്നാൽ അവന്റെ ആ ആഗ്രഹം ഞാനങ്ങു തീർത്തു കൊടുക്കും….. അല്ല പിന്നെ….

ഞാൻ തിരിഞ്ഞ് നടന്നപ്പോ ഉള്ളിലിരുന്നു മമ്മൂക്ക ഓർമ്മപ്പെടുത്തി……. സ്ലോമോഷൻ സ്ലോമഷ്ൻ ന്ന്….

പിന്നെ ഞാൻ സ്ലോ മോഷനീ തന്നെയിങ്ങ് പോന്നു……

രചന ; Rinna Jojan….

LEAVE A REPLY

Please enter your comment!
Please enter your name here