Home Latest ‘പുരുഷന് ഹീറോയാകുന്നത് അവന്റെ പ്രിയപ്പെട്ട ഭാര്യയുടെ മുന്നിലാണടോ…’

‘പുരുഷന് ഹീറോയാകുന്നത് അവന്റെ പ്രിയപ്പെട്ട ഭാര്യയുടെ മുന്നിലാണടോ…’

0

രചന : ധന്യ ദത്തൻ

പ്രസവാനന്തരം ശരീരത്തിനുണ്ടാകുന്ന മാറ്റങ്ങളെ ഉള്‍ക്കൊള്ളാനാകാതെ അപകര്‍ഷതയുടെ കയങ്ങളിലേക്ക് സ്വയമിറങ്ങുന്ന സ്ത്രീകളുണ്ട്. ശരീരത്തിന്റെ സൗന്ദര്യം നഷ്ടപ്പെട്ടുപോയെന്ന് വിലപിക്കുന്നവര്‍, സാരിയൊന്നുമാറിയാല്‍ വയറിലെ സ്‌ട്രെച്ച് മാര്‍ക്കുകളില്‍ മറ്റുള്ളവരുടെ നോട്ടമെത്തുമെന്ന് ഭയപ്പെടുന്നവര്‍. കൊലുന്നനെയുള്ള ശരീരം വീര്‍ത്തുതടിച്ചതും പാടുകള്‍ വീണതും നോക്കി നിശ്വാസപ്പെടുന്നവര്‍.

ഗര്‍ഭധാരണവും പ്രസവവും മാതൃത്വവും മഹത്വവല്‍ക്കരിക്കുന്ന അതേ ആളുകള്‍ പക്ഷേ പ്രസവാനന്തരം സ്ത്രീ ശരീരത്തിനുണ്ടാകുന്ന മാറ്റങ്ങളെ നെറ്റി ചുളിച്ച് നോക്കുന്നതോടെ ആ തകര്‍ച്ച പൂര്‍ണമാകുന്നു. പക്ഷേ അവളെ തിരിച്ച് കൊണ്ടുവരാന്‍ ചില വാചകങ്ങള്‍ക്കാകും.. ധന്യ ദത്തന്‍ എഴുതിയ ഈ ഫെയ്‌സ്ബുക്ക് കുറിപ്പ് അത്തരമൊരു നേരനുഭവത്തിന്റെതാണ്.

ധന്യ ദത്തന്റെ ഫെയ്‌സ്ബുക്ക് കുറിപ്പ് വായിക്കാം

‘പുരുഷന്‍ ഹീറോയാകുന്നത് അവന്റെ പ്രിയപ്പെട്ട ഭാര്യയുടെ മുന്നിലാണടോ…’
അപ്പോള്‍ സുന്ദരിയാണെന്ന് ഭര്‍ത്താവ് പറയുന്നിടത്ത് അവളും ഹീറോയിനാണ്..

പ്രസവശേഷം ഡിപ്രഷനുണ്ടായതിന്റെ ക്രെഡിക്റ്റ് നിലക്കണ്ണാടിക്കാണ്.
മഞ്ഞളും നാല്പാമരവും ചതച്ചിട്ട ചൂടുവെള്ളത്തിലെ കുളിക്കുശേഷം ഉടുപുടവകളില്ലാതെ സ്വയംപരിശോധന നടത്തി പൊട്ടിക്കരഞ്ഞ ദിവസങ്ങള്‍..

ഇനിയൊരിക്കലും മായാത്ത വടുക്കള്‍ നിറഞ്ഞു തൂങ്ങിയ വയറോളം അഭംഗി പരിസരത്ത് മറ്റൊന്നിനുമുണ്ടായില്ല.
വീര്‍ത്തിരുന്ന ശരീരം അയഞ്ഞുവരുന്ന മുറക്ക് പൊട്ടല്‍പാടുകള്‍ വെളുത്തും കറുത്തും തെളിഞ്ഞുവന്നു.

സൗന്ദര്യസങ്കല്‍പ്പങ്ങള്‍ ഏറെയുള്ള മനസ്സ്
കണ്ണാടിയെ വെറുത്തുതുടങ്ങിയ ദിനങ്ങള്‍..

ചന്ദനനിറത്തില്‍ മഞ്ഞള്‍ക്കുറി ചാര്‍ത്തിയ ഭര്‍ത്താവിന്റെ ചിരിച്ചമുഖം കാണുമ്പോഴൊക്കെ അപകര്‍ഷതാ ബോധം മനസ്സിനെ കീഴ്‌പ്പെടുത്തിനിന്നു.
ആര്‍ദ്രമായും പ്രണയപൂര്‍വ്വവുമുള്ള അദ്ദേഹത്തിന്റെ മൂകക്ഷണങ്ങളെ കണ്ടില്ലെന്നു നടിച്ച രാവുകള്‍..

ഇരുണ്ട്, തൂങ്ങിയയഞ്ഞ്., പൊട്ടല്‍വീണ ശരീരവും കൊണ്ട് ഞാന്‍ അത്യധികം ക്ഷീണമഭിനയിച്ച് കള്ളയുറക്കമുറങ്ങി..
തെളിഞ്ഞിരുന്ന വിളക്കുകളെയെല്ലാം പൂര്‍ണ്ണമായും കെടുത്തിമാത്രം വേഴ്ചയ്ക്ക് തയ്യാറായി.
അദ്ദേഹത്തിന്റെ കൈപരതലുകളെ അത്യധികം ശക്തിയോടെ തടഞ്ഞുവച്ചു…
പക്ഷേ…….??????????

മനസ്സുവായിക്കാന്‍ മിടുക്കനായവന്റെ അടിമയാണ് ഞാനെന്നും… ഉറങ്ങുന്ന കുഞ്ഞുമകളുടെ നെറ്റിമേല്‍ ചുവന്ന ചുണ്ടുകള്‍കൊണ്ട് മുത്തംകൊടുത്തുകൊണ്ട് അന്നദ്ദേഹം എന്നോട് പറഞ്ഞു…

‘ വെളിച്ചത്തെ ഭയപ്പെടാതിരിക്ക് പെണ്ണേ..
നീ ഇപ്പോഴാണ് എന്റെ സങ്കല്‍പ്പത്തിലെ സ്ത്രീരൂപത്തിലെത്തിച്ചേര്‍ന്നത്…
എനിക്ക് വികാരംതോന്നുന്നതരത്തില്‍
നിന്റെ ശരീരം പൂര്‍ണ്ണത നേടിയിരിക്കുന്നു.
നീ സുന്ദരിയായിരിക്കുന്നു.’

അന്നാനിമിഷം ഞാനെന്റെ അപകര്‍ഷതയെ പറമ്പിലേക്കെറിഞ്ഞു..ആ കണ്ണുകളില്‍ വിരിയുന്ന രാഗഭാവങ്ങളെ പഴയപോലെ പ്രണയത്തോടെ നോക്കിനിന്നു…
ഭാര്യയായലിഞ്ഞു…
അമ്മയായ ഭാര്യ…
സുന്ദരിയായ അമ്മ….

അന്നദ്ദേഹത്തിന്റെ ആ വാക്കുകള്‍ തന്ന പോസിറ്റീവ് എനര്‍ജി പിന്നീടെന്നും കൂട്ടായി നില്‍ക്കുന്നു…..ഇനിയെന്നും….

LEAVE A REPLY

Please enter your comment!
Please enter your name here