Home Beauty മുടി തഴച്ചു വളരാൻ ചില നാടൻ വിദ്യകൾ

മുടി തഴച്ചു വളരാൻ ചില നാടൻ വിദ്യകൾ

0

മുടി വളരാന്‍ ചില വീട്ടു മരുന്നുകള്‍

ഇടതൂര്‍ന്നു വളരുന്ന മുടി എല്ലാ സ്ത്രീകളുടെയും സ്വപ്‌നമാണ്. എന്നാല്‍ മുടിയെ ബാധിക്കുന്ന പ്രശ്‌നങ്ങള്‍ ഒട്ടനവധിയുണ്ടുതാനും. അല്‍പമൊന്നു ശ്രദ്ധിച്ചാല്‍ മുടികൊഴിച്ചിലും മറ്റ് പ്രശ്‌നങ്ങളും അകറ്റി മുടി തഴച്ച് വളരും. അതിനായി വീട്ടില്‍ തന്നെ ചില പൊടികൈകള്‍ തയ്യാറാക്കാം.

മുട്ട

മുടിക്ക് തടിയും ശക്തിയും നല്‍കാന്‍ പ്രോട്ടീന്‍ അടങ്ങിയ മുട്ടയ്ക്ക് സാധിക്കും. നല്ലൊരു ഹെര്‍ബല്‍ കണ്ടീഷണറും കൂടിയാണ് മുട്ട. ഒന്നോ രണ്ടോ മുട്ട എടുത്ത് നന്നായി മുടിയില്‍ തേച്ച് പിടിപ്പിക്കുക. പത്ത് മിനിട്ടിനുശേഷം ചെറു ചൂടുവെള്ളത്തില്‍ ഷാമ്പു ഉപയോഗിച്ച് കഴുകി കളയാം. ആഴ്ചയില്‍ മൂന്നു തവണയെങ്കിലും ഇങ്ങനെ ചെയ്യുക. ഒരു മുട്ടയില്‍ ഒരു ടീസ്പൂണ്‍ ഏതെങ്കിലും എണ്ണ ചേര്‍ത്ത് ആ മിശ്രിതം തലയില്‍ തേക്കുന്നതും നല്ലതാണ്.

ഉള്ളി ജ്യൂസ്

 

ഉള്ളി ജ്യൂസ് തലയില്‍ തേച്ച് മസാജ് ചെയ്യുന്നത് മുടി വളരാനും താരന്‍ അകലാനും നല്ലതാണ്. അര മണിക്കൂര്‍ തലയില്‍ തേച്ച് പിടിപ്പിച്ച ശേഷം മാത്രമേ കഴുകി കളയാവു.
ഇത് ആഴ്ചയില്‍ ഒരു തവണ ചെയ്യണം.

Also Read :  മഞ്ഞള്‍ ചേര്‍ത്ത പാല്‍ കുടിച്ചാല്‍….

തേങ്ങാപാല്‍

മുടി വളര്‍ച്ചയ്ക്ക് തേങ്ങാപാല്‍ ഉപയോഗിക്കുന്നത് നല്ലതാണ്. തേങ്ങാപാല്‍ തേച്ച് മുടി മസാജ് ചെയ്യുക. ഇത് മുടി കൊഴിച്ചില്‍ തടയും. തേങ്ങാപ്പാല്‍ കാച്ചി വെന്തെണ്ണയാക്കി ഉപയോഗിക്കുന്നതും നല്ലതാണ്.

നെല്ലിക്ക

നെല്ലിക്ക കഴിക്കുന്നതും തലയില്‍ തേയ്ക്കുന്നതും മുടി വളര്‍ച്ചയ്ക്ക് അത്യുത്തമമാണ്. കൂടിയ തോതില്‍ ആന്റിയോക്‌സിഡന്റും ആന്റി ബാക്ടീരിയയും അടങ്ങിയതാണ് നെല്ലിക്ക. ഉണങ്ങിയ നെല്ലിക്ക വേവിച്ചെടുത്ത് അതില്‍ രണ്ട് ടീസ്പൂണ്‍ വെളിച്ചെണ്ണ ചേര്‍ക്കുക. നന്നായി യോജിപ്പിച്ച് മുടിയില്‍ പുരട്ടുക. അടുത്ത ദിവസം രാവിലെ ഷാമ്പു ഉപയോഗിച്ച് കഴുകി കളയാം.

വേപ്പില

വേപ്പില മുടിക്ക് മികച്ച ആയുര്‍വ്വേദമാണ്. ആരോഗ്യത്തോടൊപ്പം സൗന്ദ്യവും വേപ്പില നല്‍കും. വേപ്പിലയിട്ട് ചൂടാക്കിയ വെള്ളം ഉപയോഗിച്ച് തല കഴുകാം. ആഴ്ചയില്‍ ഒരു തവണ ചെയ്താല്‍ മതിയാകും.

ഒലിവ് ഓയില്‍

കുളിക്കുന്നതിനു അരമണിക്കൂര്‍ മുന്‍പ് മുടിയില്‍ ഒലിവ് ഓയില്‍ തേയ്ക്കണം. മുടി കട്ടിയുള്ളതാക്കാന്‍ കഴിവുള്ളതാണ് ഒലിവ് ഓയില്‍. ഉറങ്ങാന്‍ കിടക്കുമ്പോള്‍ മുടിയില്‍ ഒലിവ് ഓയില്‍ പുരട്ടുക. അടുത്ത ദിവസം രാവിലെ കഴുകി കളയുക. ഒലിവ് ഓയിലും തേനും ചേര്‍ത്ത മിശ്രിതം തലയില്‍ പുരട്ടി കുളിക്കുന്നതും മുടിക്ക് നല്ലതാണ്.

ബദാം ഓയില്‍

വിറ്റമിന്‍ ഇ അടങ്ങിയ ബദാം ഓയില്‍ മുടി വളരാന്‍ സഹായിക്കും. രാത്രി തലയില്‍ തേച്ച് പിടിപ്പിച്ച് പിറ്റേന്ന് രാവിലെ താളിയോ വീര്യം കുറഞ്ഞ ഷാംമ്പുവോ ഉപയോഗിച്ച് കഴുകി കളയുക. മുടി വളരുന്നതിനൊപ്പം നല്ല നിറവും ലഭിക്കും.

വെളിച്ചെണ്ണ

വെളിച്ചെണ്ണ തേച്ച് കുളിക്കുന്നത് മുടി വളരാന്‍ സഹായിക്കുന്നതാണ്. വളരെ പുരാതന കാലം മുതല്‍ക്കെ മുടി വളര്‍ച്ചയ്ക്ക് ഉപയോഗിക്കുന്ന എണ്ണയാണ് വെളിച്ചെണ്ണ. വെളിച്ചെണ്ണ ചെറുതായി ചൂടാക്കി തലയില്‍ മസാജ് ചെയ്യുന്നത് കൂടുതല്‍ ഗുണം നല്‍കും.

ഉലുവ

മികച്ച ഒരു കേശസംരക്ഷണോപാധിയാണ് ഉലുവ . മുടി കൊഴിച്ചലിന് അത്യുത്തമ പരിഹാരം. തലയോട്ടിക്ക് തണുപ്പ് നല്‍കാനും ഉലുവ സഹായിക്കും. ഒരു കപ്പ് ഉലുവ അരമണിക്കൂര്‍ വെള്ളത്തില്‍ കുതിര്‍ത്ത് വയ്ക്കുക. ഇത് പേസ്റ്റ് പരുവത്തില്‍ അരച്ചെടുത്ത് തലയില്‍ തേച്ചു പിടിപ്പിക്കുക. അരമണിക്കൂറിനുശേഷം ചെറു ചൂടുവെള്ളത്തില്‍ കഴുകികളയാം.

ഓറഞ്ച് ജ്യൂസ്

ഓറഞ്ച് തലയിലെ താരനും എണ്ണമയവും ഇല്ലാതാക്കി മുടി തഴച്ചു വളരാന്‍ സഹായിക്കും. ഓറഞ്ച് തൊലി കുഴമ്പു രൂപത്തിലാക്കി ഹെയര്‍ പാക്കായി ഉപയോഗിക്കാം. ഓറഞ്ച് ജ്യൂസും ആപ്പിള്‍ ജ്യൂസും ചേര്‍ത്ത മിശ്രിതം തലയില്‍ പുരട്ടാം. ആഴ്ചയില്‍ ഒരുതവണ ചെയ്യുക.

കറ്റാര്‍ വാഴ

മുടിയുടെ ആരോഗ്യത്തിന് മികച്ച വഴിയാണ് കറ്റാര്‍ വാഴ. കറ്റാര്‍ വഴയുടെ പശ മുടിയില്‍ തേച്ച് പിടിപ്പിക്കുക. അരമണിക്കൂറിനുശേഷം ചെറു ചൂടുവെള്ളത്തില്‍ കഴുകികളയാം.

അവോക്കാഡോ

അവോക്കാഡോ എന്ന ഒരുതരം പഴവും ഏത്തപ്പഴവും കൊണ്ട് പേസ്റ്റ് ആക്കാം. ഇത് മുടിയുടെ കട്ടി കൂട്ടാന്‍ സഹായിക്കും. അരമണിക്കൂര്‍ വെച്ചതിനുശേഷം ഷാമ്പു ഉപയോഗിച്ച് കഴുകി കളയാം.

കൂടുതൽ വിവരങ്ങൾ മോഹന വൈദ്യർ പറയുന്നത് കണ്ടു നോക്കൂ. വീഡിയോ ഉപകാരപ്രദം എന്ന് തോന്നിയാൽ ഷെയർ ചെയ്യാൻ മറക്കരുത്.

LEAVE A REPLY

Please enter your comment!
Please enter your name here