Home Latest “ടോ! താൻ ടെസ്റ്റ് ട്യൂബ് ശിശു ആണോ”കാര്യം മനസ്സിലാകാതെ…

“ടോ! താൻ ടെസ്റ്റ് ട്യൂബ് ശിശു ആണോ”കാര്യം മനസ്സിലാകാതെ…

0

അമ്മയ്ക്കുള്ള മരുന്നു വാങ്ങാൻ മെഡിക്കൽ ഷോപ്പിൽ നിൽക്കുമ്പോഴാണ് അവിടെയ്ക്ക് രണ്ടു പെൺകുട്ടികൾ കയറി വന്നത്. യൂണിഫോമാണ് വേഷം. പ്ലസ് വണ്ണോ പ്ലസ് ടുവിലോ ആണ് പഠിക്കുന്നെതെന്നു തോന്നുന്നു. മൊബൈലിൽ കളിച്ചു കൊണ്ട് ഇരിക്കുന്ന ഞാൻ അവരുടെ പരുങ്ങൽ കണ്ടിട്ടാണ് അവരെ ശ്രദ്ധിച്ചത്. അപ്പോഴേക്കും എനിക്കുള്ള മരുന്ന് എടുത്ത് ബില്ല് കയ്യിൽ തന്നു അവിടെയുള്ള ചെറുപ്പക്കാരനിൽ ഒരാൾ.

ഞാൻ ബില്ലടയ്ക്കാൻ നീക്കിയതും ആ പെൺകുട്ടികൾ ചെറുപ്പക്കാരനോട് എന്തോ പറയുന്നത് കണ്ടു. അവനത് വ്യക്തമായില്ല എന്നു തോന്നുന്നു. ഉറക്കെ പറയാൻ ആവശ്യപ്പെട്ടു. പെൺകുട്ടികളിൽ ഒരാൾ പറയുന്നത് കേട്ടു “വിസ്പർ”. “ഓ വിസ്പർ ആയിരുന്നോ ലാർജ് വേണോ നോർമ്മൽ മതിയോ?”പെൺകുട്ടികൾ ഒന്നും മിണ്ടാതെ നിൽക്കുന്നു. ചുണ്ടിൽ ഒരു വഷളൻ ചിരിയുമായി “ലാർജ് തന്നെ വേണ്ടി വരുംലേ” അവൻ പെൺകുട്ടിയെ അർത്ഥം വച്ചൊരു നോട്ടവുമായ് പറഞ്ഞു .കണ്ടപ്പോൾ ശരിക്കും ദേഷ്യം വന്നു.

പണമടച്ചതിന്റെ ബില്ലുമായി ഞാൻ വീണ്ടും പെൺകുട്ടികൾക്കുള്ള വിസ്പർ പാക്ക് എടുത്തു കൊടുകയായിരുന്ന അവന്റെ അടുത്തുവന്നു.” എസ്ക്യൂസ് മീ എനിക്കൊരു സാധനം കൂടി വേണം.”എന്താണെന്നവൻ ചോദിച്ചു. അൽപം ഉച്ചത്തിൽ തന്നെ യാണ്”വിസ്പർ”എന്നു പറഞ്ഞത്. ആ വഷളൻ ചിരി അവന്റെ മുഖത്ത് അപ്പോഴും ഉണ്ടായിരുന്നു കൂടെ അമ്പരപ്പും. തെല്ലു റക്കെ ചോദിച്ചതിനലാവാം അമ്പരപ്പ്”വിസ്പ്പർ സേവർ പാക്ക് തന്നെ വേണം ലാർജ് തന്നെ ആയിക്കോട്ടെ “വീണ്ടും അവനോടായ് പറഞ്ഞു.

അപ്പോൾ ആ മുഖത്ത് അമ്പരപ്പ് മാത്രമാണ് ഇത്ര കൂളായി ഒരു പെൺകുട്ടി ഇങ്ങനെ ചോദിച്ചതിനാലാവാം.പാക്ക് എടുത്തു മെഡിസിനും എനിക്ക് തരുമ്പോൾ അവനോടു ചോദിച്ചു.” ടോ താൻ ടെസ്റ്റ് ട്യൂബ് ശിശു ആണോ”കാര്യം മനസ്സിലാകാതെ അവൻ എന്ത് എന്നൊരു ചോദ്യം എന്നോട് ഉന്നയിച്ചു.”അല്ല താൻ അമ്മയുടെ ഗർഭപാത്രത്തിൽ തന്നെ ഉണ്ടായതാണോ എന്നറിയാനാ “ചിലരങ്ങനെയാണ് നേരു പറയുമ്പോൾ പലർക്കു പിടിക്കില്ല അവന്റെ മുഖം ദേഷ്യം കൊണ്ടു ചുവന്നു.ചെറിയൊരു പുഞ്ചിരിയോടെ തന്നെ തുടർന്നു

“ഒരു പെൺകുട്ടി സ്ത്രീയായി മാറുന്നതിന്റെ ആദ്യ ചുവട് വെയ്പ്പാണ് ഋതുമതിയാകൽ ഈ സമയം അവരെ അവജ്ഞയോടെ നോക്കേണ്ട കാര്യമില്ല. തന്നെ ഒരു അമ്മ പ്രസവിച്ചതാണേൽ അവരും ഈ ഘട്ടത്തിലൂടെ കടന്നു പോയിട്ടുണ്ടാകും അതുകൊണ്ടാണ് താനിന്നിങ്ങനെ നിൽക്കുന്നത്. ”

ഇതു കേട്ടതും അവന്റെ മുഖം പതിയെ താണു. മറ്റൊരാൾക്ക് പോസിറ്റീവ് എനർജി നൽകാൻ കഴിയുന്ന ഏറ്റവും നല്ല മാർഗ്ഗമാണ് പുഞ്ചിരി. ആ പെൺകുട്ടികൾക്കു നേരെ ഒരു പുഞ്ചിരി നൽകി ഞാൻ നടന്നകന്നു. പിൻ തിരിഞ്ഞു നോക്കിയപ്പോൾ ആ പെൺകുട്ടികളുടെ കൺകളിൽ പുതിയൊരു തിളക്കവും ചുണ്ടിൽ ഒരു മന്ദസ്മിതവും.

രചന ;  കൃഷ്ണ…

LEAVE A REPLY

Please enter your comment!
Please enter your name here