Home Viral നടുക്കടലിൽ മരണം മുഖാമുഖം കണ്ടുകിടന്ന മണിക്കൂറുകൾ; ഉറ്റവർക്ക് തന്റെ ശരീരമെങ്കിലും കിട്ടാൻ സ്വയം വള്ളത്തിൽ ശരീരം...

നടുക്കടലിൽ മരണം മുഖാമുഖം കണ്ടുകിടന്ന മണിക്കൂറുകൾ; ഉറ്റവർക്ക് തന്റെ ശരീരമെങ്കിലും കിട്ടാൻ സ്വയം വള്ളത്തിൽ ശരീരം കെട്ടിയിട്ട ക്ലമന്റിന് പറയാനുള്ളത് തന്റെ രണ്ടാം ജന്മത്തിന്റെ അവിശ്വസനീയ കഥ

0

നടുക്കടൽ ഇളകി മറിഞ്ഞപ്പോൾ കൂട്ടുകാരേയും വള്ളവും എല്ലാം നഷ്ടപെട്ട് മരണത്തേ മനസുകൊണ്ട് സ്വീകരിച്ച ക്ലമന്റ് എന്ന മൽസ്യതൊഴിലാളിയുടെ അത്ഭുതകരമായ രക്ഷപെടൽ…നവംബർ 30ന്‌ പ്പൂന്തിറയിൽ നിന്നാണ്‌ മീൻ പിടിക്കാൻ പുറപ്പെട്ടത്. നടുക്കടലിൽ വയ്ച്ച് കടൽ ഭീകരമായി ക്ഷോഭിച്ചപ്പോൾ കരയിലേക്ക് മടങ്ങാൻ തീരുമാനിച്ചു.എത്രയും പെട്ടെന്നു കരപിടിക്കണമെന്ന ചിന്ത മാത്രം. ഒരു വള്ളത്തിനൊപ്പം ഒരു കട്ടമരവും കെട്ടിയിട്ടിരുന്നു. ആദ്യ തിരയിൽ ഇതു മുങ്ങി.

പൊക്കിയെടുക്കാനായി ക്ലമന്റിന്റെ വള്ളത്തിലുള്ള രണ്ടുപേർ അടുത്ത വള്ളത്തിലേക്കു കയറി. ക്ലമന്റ് ഒറ്റയ്ക്കായി. അടുത്ത നിമിഷമെത്തിയ രാക്ഷസത്തിരയിൽ എല്ലാവരും നാലുപാടും ചിതറി. കുറ്റാക്കുറ്റിരുട്ട്. കല്ലു പെറുക്കിയെറിയുന്നതുപോലുള്ള കനത്ത മഴ. അലറിവിളികൾ അലിഞ്ഞില്ലാതായി. ക്ലമന്റിരുന്ന വള്ളം കമഴ്ന്നു. സർവശക്തിയുമെടുത്തു വള്ളത്തിൽ കെട്ടിപ്പിടിച്ചു കിടന്നു. മണിക്കൂറുകൾ കഴിഞ്ഞപ്പോൾ മരണം ഉറപ്പിച്ചു.

മരിച്ചു കഴിഞ്ഞാൽ മൃതദേഹം കരയിൽ എത്താൻ ക്ളമന്റ് ഒരു മാർഗം കണ്ടെത്തി. മറിഞ്ഞുകിടക്കുന്ന വള്ളത്തിൽനിന്നു നീണ്ടുകിടന്ന കയറിൽ അഞ്ചര മണിക്കൂർ അദ്ദേഹം സ്വന്തം ശരീരം കെട്ടിയിട്ടു. പൊങ്ങിക്കിടക്കാനായി മണ്ണെണ്ണ നിറച്ച കന്നാസും കയ്യോടുചേർത്തു കെട്ടി. മരിക്കുമെന്നുറപ്പിച്ചു കണ്ണടച്ചു.

അവശനായി അഞ്ചര മണിക്കൂർ കടൽ വെള്ളത്തിൽ ഇദ്ദേഹം കിടന്നു. കൂരിരുട്ടിൽ അലറി വിളിച്ച് ഒടുവിൽ ചലിക്കാൻ ശേഷിയില്ലാതായി.അപ്പോഴാണ്‌ വിഴിഞ്ഞത്തുനിന്നു പോയ ബോട്ടിലെ ആളുകളാണ് ക്ഷീണിതനായി കിടന്ന ക്ലമന്റിനെ കണ്ടെത്തിയത്. കയർ മുറിച്ചു ബോട്ടിൽ കയറ്റി. അടുത്ത നിമിഷം ഭീകരമായ തിരകൾ ബോട്ടിനെയും വിഴുങ്ങി. രണ്ട് എൻജിനുകളും ബോട്ടുമായി ഘടിപ്പിച്ച ഭാഗങ്ങൾ അടർന്നുവീണു. കയറുപയോഗിച്ച് എൻജിൻ ബോട്ടുമായി കെട്ടി തിരികെ യാത്ര തുടങ്ങിയെങ്കിലും എളുപ്പമായിരുന്നില്ല. ഏറെ വൈകി, തമിഴ്നാട്ടിൽനിന്നുള്ള യന്ത്രവൽകൃത ബോട്ട് ഇവരുടെ രക്ഷയ്ക്കെത്തി.തുടർന്ന് കൊല്ലം തീരത്ത് എത്തുകയായിരുന്നു. മരിച്ചു എന്ന് വീട്ടുകാരും കരുതിയ ക്ളമന്റിന്റെ തിരിച്ചുവരവ്‌ രണ്ടാം ജന്മമാണ്‌.

വിഴിഞ്ഞത്തേക്കു 19 കിലോമീറ്റർ മാത്രമായിരുന്നു ദൂരം. കാറ്റു രൂക്ഷമായതോടെ 64 കിലോമീറ്റർ അകലെ കൊല്ലത്താണ് ബോട്ടടുത്തത്. കൂടെയുണ്ടായിരുന്ന നാലു പേരെയും ജീവനോടെ കരയ്ക്കെത്തിച്ചെങ്കിലും ഒരാൾ മരിച്ചു. നാലു ദിവസത്തെ ചികിത്സയ്ക്കുശേഷം ക്ലമന്റ് വീട്ടിലെത്തി. മൃതദേഹമായി തിരിച്ചെത്തുമെന്നു കരുതിയ ക്ലമന്റിന് ഇതു രണ്ടാം ജന്മം.

LEAVE A REPLY

Please enter your comment!
Please enter your name here