Home Viral അന്ന് എൽകെജിയിൽ വിവാഹം 22 വർഷം കഴിഞ്ഞ് വീണ്ടും ഒരു പട്ടാളക്കാരന്റെ കല്യാണം ട്വിസ്റ്റ്

അന്ന് എൽകെജിയിൽ വിവാഹം 22 വർഷം കഴിഞ്ഞ് വീണ്ടും ഒരു പട്ടാളക്കാരന്റെ കല്യാണം ട്വിസ്റ്റ്

0

[ad_1]

ചിലതൊക്കെ നമ്മൾ മറന്നാലും ദൈവം മറക്കില്ല..’ ഇൗ സിനിമാവാചകത്തെ ഒാർമവരും ഇൗ കല്ല്യാണക്കുറിപ്പ് വായിച്ചാൽ. 22 വർഷങ്ങൾക്ക് മുൻപ് നടന്ന സംഭവങ്ങളെ ഒാർത്തെടുത്ത് ഫെയ്സ്ബുക്കിൽ പങ്കുവച്ച കുറിപ്പിലാണ് സിനിമാക്കഥയെ വെല്ലുന്ന ട്വിസ്റ്റുകൾ നിറയുന്നത്. ഒരേ സ്കൂളിൽ പഠിപ്പിക്കുന്ന അധ്യാപികമാർ. ഇരുവരും ഏകദേശം ഒരേ സമയത്ത് പ്രവസിക്കുകയും ചെയ്തു. ആര്യശ്രീ എന്നും ശ്രീറാം എന്നും മക്കൾക്ക് പേരിട്ടു.

ഒരു സ്കൂളിൽ തന്നെ കുട്ടികളെ പഠിപ്പിക്കുകയും ചെയ്യുന്നു. അങ്ങനെ എൽകെജിയിൽ പഠിക്കുമ്പോൾ ‘ഒരു പട്ടാളക്കാരന്റെ കല്യാണം’ എന്ന കോമഡി സ്കിറ്റിൽ ഇൗ കുട്ടികൾ നായികയും നായകനുമായി. സ്കിറ്റിന് വേണ്ടി ഇരുവരും വധുവും വരനുമായി അഭിനയിക്കുകയും ചെയ്തു.

എന്നാൽ ആ സീനിന് വർഷങ്ങൾക്കിപ്പുറം ജീവിതത്തിൽ ആവർത്തനമുണ്ടാകുമെന്ന് അന്നാരും കരുതിയില്ല. കാലം കടന്നുപോയി ആ വധുവരൻമാർ വളർന്നുവലുതായി. ‘ഒരു പട്ടാളക്കാരന്റെ കല്യാണം’ എന്ന സ്ക്രിറ്റ് പോലെ ശ്രീറാം പട്ടാളത്തിൽ ക്യാപ്റ്റനായി. ആര്യശ്രീ ഡോക്ടറും. ഇരുവരുടെയും പിന്നീടുള്ള കണ്ടുമുട്ടലും വിവാഹവുമാണ് ഫെയ്സ്ബുക്ക് കുറിപ്പിലൂടെ പറയുന്നത്.

ഫെയ്സ്ബുക്ക് കുറിപ്പിന്റെ പൂർണരൂപം വായിക്കാം

വിവാഹം LKG ക്ലാസിൽ നടക്കുന്നു
ഇതാണ് ഞാൻ മുമ്പു പറഞ്ഞ22 ഇയർ ചലഞ്ച്:
കഥ ഇങ്ങനെ: വർഷങ്ങൾക്കപ്പുറം ഒരിക്കൽ
കൊച്ചി SDPY സ്കൂളിലെ സ്റ്റാഫ് റൂമിൽ ഒരേ ബെഞ്ചിലിരിക്കുന്ന രണ്ട് അധ്യാപികമാർ ഒരുമിച്ച് പുളിമാങ്ങ തിന്നുന്നു.. ഏകദേശം ഒരേ കാലത്ത് പ്രസവിക്കുന്നു. കുട്ടികൾക്ക് ആര്യശ്രീ എന്നും ശ്രീറാം എന്നും പേരിടുന്നു.

രണ്ടാളെയും ഒരേ ക്ലാസിൽ ചേർക്കുന്നു. സ്കൂൾആനിവേഴ്റി വന്നപ്പോൾ സ്കൂളിലെ ഡാൻസ് മാസ്റ്ററായ റഷീദ് സാർ ‘ഒരു പട്ടാളക്കാരന്റെ കല്യാണം’ എന്നൊരു കോമഡി സ്കിറ്റിനു രൂപം കൊടുക്കുകയും വരനായി നാലു വയസുകാരൻ ശ്രീറാമിനെയും വധുവായി നാലു വയസുകാരി ആര്യശ്രീയെയും തിരഞ്ഞെടുക്കുകയും ചെയ്യുന്നു.
അതീവ രസകരമായി സ്കിറ്റ് അരങ്ങേറുന്നു.

(ഞാൻ താലികെട്ടുന്നില്ല .. എനിക്ക് മണിയടിച്ചാ മതീ… എന്ന് പരിപാടി ദിവസം രാവിലെ ധൈര്യം ചോർന്ന വരൻ നിലവിളിച്ചുവെങ്കിലും..! ) പരിപാടി കഴിഞ്ഞയുടൻ ടീച്ചർ വധുവിനെ സ്റ്റേജിൽ നിന്നു തൂക്കിയെടുത്ത് താഴേക്കു തരികയും കുഞ്ഞമ്മ (അതായത് ഞാൻ.. വിവാഹത്തിൽ സംബന്ധിക്കാൻ കിലോമീറ്ററുകൾ താണ്ടി കൊല്ലത്തു നിന്നും കൊച്ചിയിലെത്തിയതാണ് വധുവിന്റെ കുഞ്ഞമ്മയും അമ്മാമ്മയും) ഏറ്റുവാങ്ങി തോളിലിടുകയും, കെട്ടിത്തൂക്കിയിട്ട തിരുപ്പൻ, സാരി ഉൾപ്പെടെ ഉറങ്ങിപ്പോയ വധുവിനെ വീട്ടിലെത്തിക്കയും ചെയ്യുന്നു.പിറ്റേന്നു മുതൽ ചെക്കൻ ചെക്കന്റെ വഴിയും പെണ്ണ് പെണ്ണിന്റെ വഴിയും.

വർഷങ്ങൾ കഴിഞ്ഞു.ചെക്കൻ NDA ടെസ്റ്റ് എഴുതി ആർമിയിൽ ക്യാപ്റ്റൻ ആയി .MBBS നാലാം വർഷം പഠിച്ചു കൊണ്ടിരിക്കുന്ന പെണ്ണിനെ FB യിൽ തപ്പിയെടുത്ത് ‘ആര്യാ..നമുക്ക് ഒന്നുകൂടി കല്യാണം കഴിച്ചാലോ ‘എന്നു ചോദിക്കുന്നു.. പെണ്ണ് വിഷയം വീട്ടിലവതരിപ്പിക്കുന്നു. വീട്ടുകാർ പേർത്തും പേർത്തും ചിന്തിച്ചിട്ട് ഒടുവിൽ ,റഷീദ് സാർ കൂട്ടിച്ചേർത്തത് ഇനി നമ്മളായിട്ട് വേർപിരിക്കണ്ടാ ‘എന്ന തീരുമാനത്തിലെത്തുകയും ചെയ്യുന്നു. അങ്ങനെ ഇരുപത്തിരണ്ടു കൊല്ലത്തിനു ശേഷം ഇവർ വീണ്ടുമിതാ വിവാഹിതരായിരിക്കുന്നു.

ഡോ. ആര്യശ്രീ & ക്യാപ്റ്റൻ ശ്രീറാം. ‘ഒരു പട്ടാളക്കാരന്റെ കല്യാണം’ വീണ്ടും അരങ്ങേറിയപ്പോൾ അന്നത്തെ റഷീദ് സാറും ക്ലാസ് ടീച്ചറും സുഹൃത്തുക്കളും മുഖ്യാതിഥികളായിരുന്നു.റഷീദ് സാർ വേദിയിൽ പഴയ കഥ അനുസ്മരിക്കുകയും വധൂവരന്മാരെ ആശിർവദിക്കുകയും ചെയ്തു.( ഇനി ഇമ്മാതിരി നാടകങ്ങൾ കളിപ്പിക്കുന്നത് നോക്കീം കണ്ടുമൊക്കെ വേണമെന്ന് സാറ് ചിന്തിച്ചു കാണും!)

അന്നത്തെ അതേ നിറത്തിലെ കല്യാണസാരി വേണമെന്ന ചെക്കന്റെ സങ്കല്പം നിർഭാഗ്യവശാൽ പൊളിഞ്ഞുപോയി. എന്നാലും രണ്ടു മാസം കൊണ്ടു നെയ്ത ,ഹാൻഡ് മെയ്ഡ് എംബ്രോയ്ഡറി വർക്കുള്ള ബ്ലൗസ് വധുവിനെ അണിയിച്ച് കക്ഷി സംതൃപ്തനായി.രണ്ടാം ലോക മഹായുദ്ധകാലത്ത് പുറത്തിറങ്ങിയ ജീപ്പ് വാങ്ങി ലക്ഷങ്ങൾ മുടക്കി വൃത്തിയാക്കി അതിലായിരുന്നു വധൂവരന്മാരുടെ വിവാഹാനന്തര യാത്ര. അല്ല പിന്നെ! മൊത്തത്തിൽ വിശേഷമാകുമ്പോ അങ്ങനെയും ഇരിക്കട്ടെ ഒരു വിശേഷം !

[ad_2]

LEAVE A REPLY

Please enter your comment!
Please enter your name here